“Naija no be di worst kontri for dis world” — Reno Omokri
Di controversial writer and activist, Reno Omokri don use di crisis for Ukraine and Sudan do example say na why Nigeria no be di worst kontri for dis world.
As government dey put effort to evacuate stranded Nigerians for Sudan, di activist stir reactions on top social media to correct a stereotype about Nigeria.
According to Reno Omokri, when crises face Nigerians for Ukraine, Sudan, and South Africa, di default option na to return home for safety.
He argue say despite di greener pasture outside Nigeria wey pipo dey claim, di matter come with plenty unforeseen issues.
FOR MORE NEWS: More new notes go dey in circulation soon – CBN
Hin yarn say before pipo open mouth to run down Nigeria or call am di worst country for di world, make pipo learn from di Sudan crisis. Also, hin ask say with di war wey dey happen for Sudan, wetin happen to Nigerians wey japa to Sudan?
All of dem dey try find way to back to dia homeland. When war hit Ukraine, wetin happened to Nigerians there? Dem airlift dem back home. When di xenophobic attacks burst for South Africa, Nigerians dey beg say make government airlift dem go dia homeland.
Why? Because no be all di things wey dey glitters be gold. And no be every house dey as good as your house. Na all di thing wey Reno Omokri tok be dat.
You fit go read di tori of wetin Reno Omokri tok on Sudan crisis…READ MORE
