Naira scarcity: Fear don grip bank officials over of mob attacks
Nigeria currency crisis don enter another level as some commercial banks shut down dia operations on Monday over possible mob attacks from frustrated customers. Bank officials don japa from banks as dem dey fear for dia lives because of aggressive mobs over naira scarcity wahala.
Also, financial experts announce say di ongoing crisis dey self-inflicted.
For the past weeks, Nigerians dey suffer from di pain of Naira scarcity.
Di crisis fit worse pass as e dey now if things continue like this with no improvement for di supply of di new currency nationwide. To add salt to injury, di February 10 deadline to phase out di old notes don near finish.
Customers don start to dey act aggressively for counters and Automated Teller Machines, ATMs, points. Na this development make some banks put plenty security personnel for dia premises and eventually, dem shut down on Monday.
FOR MORE NEWS: Naira redesign go bring economic, social benefits – Peter Obi
E dey gathered say some banks for Lagos, Osun, and other States shut down dia operations as a precaution against mob attacks and asset vandalism.
One Tier-1 bank manager, known as Bello Muyiwa, reveal say because of fear of mob action from customers, dem decide to shut all operations except ATM services for di time being”.
Although di commercial banks don deny say dem dey hoard di naira notes, di Economic and Financial Crimes Commission, EFCC, bin catch one bank manager for Abuja wey no gree load ATM with N29 million new notes on Monday.
CBN and other stakeholders still continue to accuse commercial banks say dem dey hoard di new naira notes. However, according to statement wey di President of ACAMB make, he yarn say banks no hoard new Naira notes, and he mention say normalcy go return soon.
Following di rising demand by Nigerians and naira scarcity across di country, pipo still dey sell Naira notes despite CBN directives as di economy, bank officials don no operate for banks.
Infact, plenty POS agents dey charge as high as 20 per cent for new Naira notes transactions, while some charge 10 per cent to 15 per cent.
You fit go read di full tori…READ MORE
