Buhari approve census postponement

President Muhammadu Buhari don approve di postponement of di 2023 Population and Housing Census.

Buhari drop dis update after meeting with some members of di Federal Executive Council and di National Population Commission on Friday night.

He yarn say di earlier scheduled Census wey suppose hold from May 3-7 go dey determined by di incoming administration.

A statement signed and issued by di Minister of Information and Culture, Lai Mohammed on Saturday yarn say, ”In arriving at di decision to postpone di Census, di meeting repeat di critical need for di conduct of a Population and Housing Census, 17 years after di last Census, to collect up-to-date data wey go drive di developmental goals of di country and improve di living standard of di Nigerian people.”

FOR MORE NEWS: Charly Boy wan hold thanksgiving after hin survive prostrate cancer

Also, hin commend di methodology wey dey in place by di Commission to conduct accurate and reliable Census, especially the massive deployment of technology wey go fit deliver world class Census and laying a sustainable basis for future censuses

Buhari also direct di Commission make dem continue with preparations for di conduct of di 2023 Population and Housing Census in order to sustain di wey gains wey dey recorded and provide di basis for di incoming administration.

You fit go read di tori as Buhari approve census postponement…READ MORE