“Peter Obi Na Nollywood actor, presidential election dey between APC, PDP” – El-Rufai
Kaduna State Governor, Nasir El-Rufai don yarn say Peter Obi no fit win di 2023 presidential election.
El-Rufai yarn say di Labour Party (LP) presidential candidate no get di numbers, hin describe am as Nollywood actor.
Also, El-Rufai yarn say di race of di election dey between di All Progressives Congress (APC) and di Peoples Democratic Party (PDP), Peter Obi no dey among..
El-Rufai still dismiss Obi popularity, he yarn say hin go only get votes for di South-East and some parts of dii South-South.
Also, di APC stalwart yarn say votes for only one Local Government Area for Kaduna go cancel votes for Anambra.
Di LP flagbearer na governor of di State for eight years under di All Progressives Grand Alliance (APGA) platform.
FOR MORE NEWS: Nigerians go vote inside peaceful atmosphere, says Buhari
Inside interview with TVC, El-Rufai yarn say Obi dey poll one percent for Sokoto, two percent for Katsina, and five percent for Kano.
El-Rufai yarn say as hin dey do 70 percent for Anambra State, e no mean say somebody wey dey do 10 percent for Kano no better pass am.
“Kano is 4 million votes…Yes, Peter Obi will sweep Southern States, he will do well in South-South, where else?” He queried.
El-Rufai add say Obi no dey poll well for di South-West “other than drop of ocean for Lagos”.
In addition, e yarn say ethnicity and religious bigotry no go take Obi anywhere, and hin maintaini say di election na APC versus PDP “because dem get footprint”.
Peter Obi go compete with Bola Tinubu of di APC, PDP Atiku Abubakar and NNPP Rabiu Kwankwaso on February 25.
You go like go read di full tori..READ MORE
