Tension for Alaba market as trader find alleged human p*nis inside food from vendor
Tension grip traders for di popular Alaba International Market, Ojo, Lagos, last week Friday, when one of di traders find human-like penis inside food wey she buy from vendor for market.
Following di strange discovery inside her plate of soup, di middle-aged woman identified as Ebere, for GBO Plaza, inside di market, raise alarm wey result in noise for di market, as anxious traders and customers comot for di plaza to see wetin happen.
According to reports, Ebere, wey dey sell household items as she dey chop her food wey she from di vendor, she discover say di meat inside her plate of food resemble male child penis.
Other witnesses yarn say na lie, di argument continue for long until person kon confirm say na private part of a human being.
FOR MORE NEWS: Eniola Badmus don break silence on pimping allegations
Everywhere scatter when dem find out, dem kon start to ask for di head of di food vendor.
According to report, di food vendor bin dey shout say she dey innocence. Also, she tok say she buy di meat from her regular supplier for di market.
Di drama continue so tey di woman regular customers kon dey vomit publicly dey lament say na human flesh dem don dey chop for long and dem think say na delicious meat.
Also, di matter continue like dat as pipo try to identify di food vendor and to trace di meat seller so dat dem go deliver instant justice to dem.
You fit go read di tori as Tension grip Alaba traders…READ MORE
