Japa: E go hurt our economy, MP condemn UK ban on families of foreign students
A member of di United Kingdom parliament, Carol Monaghan, don condemn di UK new immigration policy, wey ban international students from bringing family members with dem from 2024.
Remember say UK Home Office, on Tuesday, announce say foreign students no go fit switch from di student visa route to work visa until dia studies don complete.
But, reacting to di immigration policy at parliament on Wednesday, Monaghan yarn say di students and dia families make valuable contributions to di UK, contributing £40 billion to di economy in 2022.
FOR MORE NEWS: Rename second Niger bridge after Igbo son, no be Buhari – IPOB tell Southeast govts
According to di UK lawmaker, di international students enrich di UK society because dem get skills, wey don prove useful across key sectors.
Meanwhile, di UK universities, follow kick against di country new immigration rules.
Di Universities UK International (UUK), a body of universities, don yarn say di move na threat to di country global success as a top destination for international talent.
You fit go read di tori as Carol Monaghan condemn UK ban…READ MORE
