Barcelona sign defender Inigo Martinez on free transfer
Barcelona confirm di arrival of defender Inigo Martinez on a free transfer on Wednesday at di end of hin Athletic Bilbao contract.
Di signing of di 32-year-old centre-back, wey be Spain international, on a contract until 2025, go continue di Catalans’ recent policy of hiring experienced players at zero transfer cost.
Barcelona sign Manchester City captain Ilkay Gundogan di same way last week and hin acquire Chelsea defender Andreas Christensen and AC Milan midfielder Franck Kessie after dia contracts expire last summer.
FOR MORE NEWS: Cameroonian defender, Ndasi don comot for Rivers United after two years
Di Spanish champions inside statement yarn say (Martinez) go sign for two seasons, until June 30 2025, and hin go get 400 million euro ($435 million) release clause.
Martinez, wey play for Real Sociedad for seven seasons for di top flight, move go Athletic in January 2017.
Athletic Bilbao pay hin 32 million euro ($35 million) buy-out clause, wey remain as club record fee.
Martinez bin play 177 times for Athletic, and hin score eight goals win di Spanish Super Cup for 2021, also, hin bin reach two Copa del Rey finals.
You fit go read di tori as Barcelona confirm Martinez arrival…READ MORE
