“He was a respected minister” – Peter Obi mourn Apostolic Church founder
Presidential candidate of di Labour Party for di last election, Mr Peter Obi mourn with di family of Prophet Michael Ojo Olowere, wey also dey known as Oke-Agbara, founder of di Christ Apostolic Church.
Prophet Michael Ojo Olowere kpai on Wednesday for hin residence wey dey Ibadan di Oyo State capital.
Reacting, Obi inside tweet on Thursday night, describe di deceased man of God as a very respected minister of di gospel of Christ.
Also, hin yarn say di late prophet contribute to di missionary and societal growth, and say di deceased make remarkable impacts through hin evangelism.
FOR MORE NEWS: Paris Saint-Germain give Kylian Mbappe two-week ultimatum to sign new contract
In addition, Peter Obi write for hin tweet say hin just receive di news of di death of Prophet Michael Olowere, a renowned evangelist and founder of Christ Apostolic Church, Oke-Agbara.
Na wetin hin write be dis; “Hin many decades of evangelism bin dey very impactful for Oyo State and beyond”.
Also, as Peter Obi mourn di founder of Christ Apostolic Church, hin mourn with di immediate family and Christ Apostolic Church over hin demise. May God grant am eternal rest and comfort all di pipo wey dey mourn him”.
You fit go read di tori…READ MORE
