Nigerians dey vex as singer, Iyanya violently push fan comot for stage for Anambra
Nigerians don take to social media to condemn popular Nigerian Afropop singer, Iyanya Onoyom Mbuk, wey dey professionally known by hin stage name Iyanya, because hin push one fan comot for stage for Akwa, Anambra State.
Di video wey don make plenty Nigerians dey vex, show di moment wey singer Iyanya push one male fan wey bin dey spray am money for Anambra state. As e push di man comot for stage, hin continue to dey perform as if nothing happen.
Reacting to di massive backlash wey hin receive because of di push, Iyanya, for inside tweet with hin Twitter handle, explain say di fan bin dey slap hin face with di money.
Hin write say di guy just continue to dey slap hin face with money, hin still write say hin bin try hold di guy hand but hin still continue. As hin write that one finish, hin advise say no matter how much you dey spray person, no slap di person with am, e dey disrespectful.
FOR MORE NEWS: Peter Okoye apologise to hin wife, Lola in advance over his recent plans
Nigerians don drop dia reactions to di matter:
aramicom01: “He fit go scot-free this time but e no go go scot-free next time. Power drunken celebrity.”
Vitus: “Usual Proud Iyanya. Maintain your comeback so that you no go fade as usual. This pride wey you get since project fame neva teach you lesson.”
DSP Bright Edafe: “Normally, if that guy make official report, @Iyanya fit dey arrested for this. I come in peace.”
Justice Black: “You dey broke. Person dey help you. You dey push your helper.”
MrCruiseSA: “If na abroad now, you no go do that kain thing. Na only Nigerian fans una dey always treat like thi. Yes, di guy bin dey wrong, but he no know. Pushing him off the stage was bad. I blame those who are still watching your dead career on stage.”
You fit go read di full tori HERE
