Presidential election result: Tension dey high, business activities don shutdown
As e be so, na exactly three days after Nigeria Presidential election, tension dey high; uncertainty still continue for di country. Also, di long wait for di final result don create worry for pipo mind, especially among business owners.
Di major contenders na Bola Tinubu of the All Progressives Congress, APC, Alhaji Atiku Abubakar of the Peoples Democratic Party, PDP, and Peter Obi of di Labour Party and Rabiu Kwankwaso of di New Nigeria Peoples Party, NNPP.
As results continue to enter, opposition dey come out from di Peoples Democratic Party, PDP, and di Labour Party, LP.
Also, dis development don creat fear of possible violence for di minds of investors and cross section of Nigerians.
Former President Olusegun Obasanjo and other leaders don follow give warning say consequences go dey over alleged manipulation of di exercise.
From the Nation capital, Abuja, to Ikeja Lagos, fear dey all over di country future for when di Independent National Electoral Commission go completely announce the Presidential election results. And di political drama from some Party agents for di ongoing National Collation Centre dey make person wonder.
According to reports on Monday, reporters notice say business activities dey low. Di traffic wey dey always dey for places like Mararaba-Nyanya road, Kubwa expressway, Lugbe expressway for Abuja no dey there data all.
FOR MORE NEWS: Presidential poll: INEC still continue results collation despite protests
Businesses for Wuse II, Banex shopping complex, Area 1 UTC, Garki Market and Wuse Market no record di usual flow of customers.
Also, for di Federal Secretariat Complex for Abuja, e show say most civil servants neva resume work.
Na di same thing happen for Nasarawa, Niger, Edo, Delta, Kogi and other states as businesses dey partially closed.
Mr Chijioke Egege, one business owner for Area 1 UTC market, confirm a low customer turnout.
He yarn say Abuja dey dry today for di obvious reason- di presidential election. Tension dey high, so customers dey careful to not to go out.”
Helen Adamu yarn say di situation dey everywhere, no be only for Abuja; other states dey experience economic shutdown because of di election.”
You fit go read di full tori…READ MORE
