Actress Iyabo Ojo don reveal her lover for her 45th birthday
Nollywood actress, Iyabo Ojo, on Wednesday, clock 45 years and to commemorate her special day, di actress reveal her lover to di public.
For her birthday post, Ojo reveal say di Chief Executive Officer of Upfront and Personal Management, Paul Okoye, wey dey known as Paulo, na her lover.
Before her announcement, di actress bin don talk say she dey date Igbo man and she bin promise to unveil am when di time dey right.
E appear say di right time na her 45th birthday as she share Instagram reel with videos and pictures of herself and Paulo.
FOR MORE NEWS: “I go Use Your Money chop Groundnut”: Obafemi Martins tell Small Doctor As Hin say make hin Send Bank Account
For di caption, Actress Iyabo Ojo refer to Paulo as Obi’m, wey dey translated as ‘my heart’ for Igbo language.
Ojo write, “My Obi’m. Happy 45th birthday Iysexy. New age, new life, new wins. Cheers to forever #iypaulo.”
Paulo follow enter hin Instagram page celebrate hin lover wey hin describe as ‘Ezenwanyi’, meaning ‘Queen of all women’ for Igbo language.
