Naira redesign: CBN silence don keep banks, business owners in confusion
Days after di Supreme Court nullify di Central Bank of Nigeria Naira redesign policy, di apex bank still remain silent and e don make business owners dey in confusion.
However, based on some reports, some commercial banks don start to dey pay dia customers old N500 and N1000 naira notes.
According to report, banks for di Nation capital like Guarantee Trust Bank Along Ahmadu Bello Way Area 11, Area 3, all in Garki, dey pay customers N500 and N1000 notes.
FOR MORE NEWS: CBN don release N114bn under 100-for-100 policy
One top-tier commercial bank regional manager yarn say di CBN neva give directive on di Supreme Court’s verdict to validat di old naira notes.
He reveal say di apex bank go get meeting with banks regarding di matter on March 20, 2023.
Meanwhile, following di supreme court verdict on the naira redesign policy, confusion still dey everywhere as traders, business owners, and motorists for di nation capital still no gree collect di old naira notes.
Mr Idris Adamu, one business owner for Wuse market, yarn say di old N500 and N1000 notes no dey accepted.
Also, one taxi driver, Nasir Mohammed, wey dey ply between Kubwa and Wuse Market axis, yarn say drivers no dey accept di old notes.
Amid di confusion, di Central of Nigeria still neva gree tok.
Texts, and calls wey dem make to the acting Director of Corporate Communication CBN, Dr Isa Abdulmumin, no dey replied.
Di Supreme Court bin order di federal government make dem allow di old notes to coexist till December 31.
You fit go read di full tori…READ MORE
