INEC don promote 5,196 workers.
INEC don promote 5,196 members of their staff for di whole country. Dem talk am for one bulletin wey di Director of Publicity and Voter Education, Mrs Adenike Tadese, release for Abuja on Thursday.
Tadese talk say dis promotion happen after di 2023 promotion examination and evaluation wey INEC do to show say dem dey serious about di welfare and development of dia staff.
She yan say 55 deputy directors wey dey on Grade Level 16 don move go Director on Grade Level 17, and 54 assistant directors wey dey on GL 15 don waka enter deputy director cadre on GL 16.
FOR MORE NEWS: Senate President Akpabio don promise say NASS go support Renewed Hope Agenda.
She add say di commission promote 338 officers wey dey on GL 14 to Assistant Directors on GL 15, and di majority of di promotion na for officers wey dey between GL 7 and 13.
Meanwhile, four directors for di commission don get order to waka go on top terminal leave. According to di statement wey di National Commissioner and Chairman Information and Voter Education Committee, IVEC, Sam Olumekun, release on Wednesday, di Federal Government talk say make all directors wey don serve reach 8 years or more retire from di public sector. Olumekun talk say two of di directors wey dey waka go on terminal leave bin serve as heads of departments for INEC Headquarters for Abuja, while di other two dey work as Administrative Secretaries for state offices.
E talk say Clinical Officers for di medical cadre no dey affected by dis Federal Government Retirement Policy, as di policy bin clarify am for Circular MH 7205/T31 wey dem release on Sept. 7.
You fit go read di tori see as INEC promote dia members staff…READ MORE
