Lagos election: LP ready to file suit against APC, Sanwo-Olu, PDP silent
Di Labour Party, LP, don set to challenge di victory of Governor Babajide Sanwo-Olu of APC for di March 18 Lagos gubernatorial election.
Na di Independent National Electoral Commission, INEC, on March 20, declare Sanwo-Olu of di All Progressives Congress, APC, winner and Governor-elect.
Di incumbent poll 762,134 votes. Hin defeat Gbadebo Rhodes-Vivour of di LP wey score 312,329. Olajide Adediran of Peoples Democratic Party, PDP, get 62,449 votes.
On di election day, supporters of di APC, disenfranchise Igbos, as well as Yorubas wey “look like” Igbos.
Also, thousands of residents bin no fit vote for plenty units across di state. Dis na after di harassment, intimidation, and violent acts wey involve di use of dangerous weapons.
Before the declaration, LP Chairman for Lagos, Dayo Ekong condemn how pipo bin no fit vote for Alimosho, Eti-Osa, Ibeju-Lekki, among other Local Governments.
FOR MORE NEWS: Peter Obi, Obasanjo meet after presidential election, discuss national issues
According to Rhodes-Vivour, alias GRV, hin claim say APC and electoral officials bin plan to return Governor Sanwo-Olu.
Also, di results wey INEC release no represent di wishes of di majority of peaceful Lagosians…Hin still yarn say results from dia agents and situation room show say na dem win.
Di candidate LP ready to challenge APC victory, di party dey go court to seek to upturn INEC pronouncement.
One of Rhodes-Vivour close aides confirm say di plans dey for final stage and dem go file petition for di Governorship Election Tribunal.
Di LP and GRV dey expected to prove how supporters no fit vote for GRV and whether di loss of those votes na hin cause dia defeat.
However, after polling less than 10 percent of Sanwo-Olu tally, di PDP and dia candidate a.k.a. Jandor neva tok anything on dia next move.
PDP Chairman for Lagos, Philip Aivoji neva tok anything on di possibility of a legal action.
You fit go read di tori…READ MORE
