Naira redesign go bring economic, social benefits – Peter Obi
Di presidential candidate of di Labour Party, LP, Peter Obi don yarn say di current pain and inconvenience of di redesigning of Naira go bring better long-term economic and social benefits.
Obi also advise Central Bank of Nigeria, CBN, and commercial banks say make dem speed up efforts to make di new Naira notes available to small depositors and unbanked Nigerians.
He tok this one to help reduce di pains of Nigerians, especially di pipo wey dey live for rural communities.
Di former Anambra State governor make di statement on Sunday for hin post via hin verified Twitter handle.
FOR MORE NEWS: “Peter Obi Na Nollywood actor, presidential election dey between APC, PDP” – El-Rufai
Remember say di country don dey deal with scarcity of new Naira notes, and many Nigerians dey suffer because of this wahala.
Plenty pipo don call for di extension of di deadline for di swap of di old Naira notes with di new notes by di apex bank. However, di CBN insist on di February 10 deadline wey dem don set.
Obi make call say make dem improve di distribution of di new Naira notes, and hin advise Nigerians make dem bear with di Federal Government and di CBN.
In addition, Peter Obi yarn say no be only Nigeria di currency redesign dey affect. Hin tok say na exercise wey dey come with some inconvenience and pain, but e go get significant long-term economic and social benefits.
You fit go read di full tori…READ MORE
