Supreme Court justices nominations

Nominations of 22 justices for Supreme Court dey cause katakata for judiciary. Some senior serving and retired justices dey drag sword over di list wey di Federal Judicial Service Commission (FJSC) release last Thursday. One senior Justice talk say President Bola Tinubu fit dey on collision course with senior members of Nigerian bench, talk say “never in di history of Nigeria Supreme Court justices appointment don dey this politicized.”

Another Justice talk say di North-Central zone case dey waka wahala as dem carry di son of former Chief Justice of Nigeria (CJN) put for front, while senior jurist wey get over 15 years experience for Court of Appeal dey as backup, e dey cause gbege.

Justice add say di oddest part of di process na say “South-South slot, where dem rate person wey dey curiously put as backup as di very best.

Source talk say during di selection, di Justice wey dem put for priority no dey among di four wey dem send go FJSC.

“Di question wey many dey ask for Judicial circle be say: how person wey no dey among di shortlist suddenly come be priority over person wey dem rate as di best,” di source ask.

Source talk say for South-South, di Justice wey dem put as backup now na di priority candidate for 2019 but dem comot am sake of age say e too young.

FOR MORE NEWS: Former US First Lady, Rosalynn Carter don kpeme at di age of 96

E add say, “how e come dey drop four years after when e don dey highly rated? Anybody wey want check di quality of di Justices fit go Law Pavilion, wey be electronic law report, see which Justice for Court of Appeal get di highest ratio. Di person wey dem put as backup get di highest ratio.”

For North-West, some Justices dey wonder how Justice AB Gumel no enter di list “despite being number one on di list of jurists from im zone.”

If dem no address dis matter urgently, some senior members of Nigerian Judiciary dey fear say low morale and quarrel go increase.

But one well-respected academic and member of inner bar, Prof Yemi Akinseye George, SAN hail FJSC list wey become public last Thursday.

E talk say, even though human error fit enter di list, e still talk say e go fit score di list 99.9%.

“When I see di list of those justices, I happy well well. I don appear before many of those justices and I don work with many of those justices for different committee levels, you know. So, dem be excellent names. Most of those names dey excellent. E fit be say one or two errors dey di list, but from wetin I see and my interaction with those names, dem be excellent justices for appellate court wey merit to dey Supreme Court,” e talk

You fit go read di matter on Supreme Court justices nominations…READ MORE