UK Government don congratulate Tinubu, dem ask FG make dem address di opposition concerns
Di UK Government don congratulate Asiwaju Bola Tinubu, di new President-elect of Nigeria inside statement for hin victory for di presidential election wey hold on Saturday, February 25, 2023.
Tinubu win di election as hin receive di highest number of votes. Also, hin meet di constitutional requirement of winning 25% of votes cast for two-thirds of di 36 states of di federation.
Di Independent National Electoral Commission (INEC) announce di results for di early hours of Wednesday, March 1, 2023. Dis na as Tinubu secure 8,794,726 votes.
However, di UK Government, commend Nigerians for exercising dia democratic rights. Also, hin advise di opposition parties make dem seek legal means to address any irregularities wey fit don happen during di election.
FOR MORE NEWS: 2023 Elections: Obasanjo allegedly call for massive protest inside leaked audio
Di statement read: “The United Kingdom commends Nigerian voters for their participation in the presidential and National Assembly elections and for their patience and resilience in exercising their democratic rights. We congratulate the President-elect, Senator Bola Ahmed Tinubu.
As di UK Government congratulate Tinubu, dem note di position of di opposition parties on di election outcome. Also, dem note di concerns by observer missions and civil society about di organisation of di process. And dem note di delays and technical challenges.
Inside di statement, UK government encourage di authorities make dem examine all concerns carefully. Also dem ask say make di authorities take action to resolve outstanding issues and make dia focus be to deliver di will of di Nigerian pipo.
You fit go see di full gist…READ MORE
