Fight don start for court as LP factions drag for chair
Small drama bin happen for di presidential election petition court on Wednesday as di factional leaders fight over chair.
Di Lamidi Apapa, factional national chairman of di Labour Party (LP), confront Akin Osuntokun, director-general of Peter Obi presidential campaign council as di former person enter di courtroom.
Dis fight start when di courtroom open for lawyers and litigants at about 8:05am for di proceedings of di day.
Osuntokun and other party bin don sit down for plaintiffs’ gallery when Apapa and hin colleagues go meet dem tell dem make dem stand give up dia seats.
Apapa claim say, as di rightful head of di Labour Party, hin belong for di plaintiffs’ gallery.
But Osuntokun no gree comot from di seat, hin insist say Apapa no get right to take di seat.
FOR MORE NEWS: FG don get N36.8trn debts in 8yrs under Buhari
E take di intervention of di secretary of di presidential election petition court, Josephine Ekperobe to calm di tension inside di courtroom over di row between di two leaders.
As if dat one no dey enough, di drama still continue when de call di case, and Obi announce appearance for himself.
Di national woman leader of di party, Dudu Manuga announce appearance for di party but hin bin dey quickly opposed by Apapa.
For di heat of di tension, di five-member panel of justices led by Haruna Tsammani no gree record any representation for di party.
Di suspended national chairman of LP, Julius Abure bin follow dey present for court.
You fit go read di tori as Factional leaders fight over chair…READ MORE
