Osun inauguration: Ademola Adeleke don take over office as di sixth executive governor of di state
Di elected new Osun State governor, Senator Ademola Adeleke will be inaugurated and sworn in today, Sunday, November 27, 2022, to begin hin four year term as di sixth executive governor of di State.
Adeleke way bin win di Osun gubernatorial election on July 16, 2022, against di outgoing governor of di State, Adegboyega Oyetola.
U FIT ALSO READ #OsunDecides2022: Adeleke cook bean for Oyetola chop for Osun election.
Adeleke win di election as a member of di Peoples Democratic Party (PDP) after hin loose out for di same party for 2018 gubernatorial election.
Base on di swearing in ceremony, di presidential candidate of di PDP for 2023 general election, Atiku Abubakar hin self dey inside di state right now for di Owanbe ceremony.
Di Nigerian Police, Osun State Command and other security agencies for di State don assure pipol for di state say for security mattar make dem no worry,dem dey readi to protect and prevent any breakdown of law and order bifore, during and after di inauguration ceremony.
Di outgoing governor, Adegboyega Oyetola for hin final statement as di governor of di state tok say hin administration dey leave behind di sum of ₦14 billion cash inside di State purse, and hin don pay ₦97 billion debts way hin inherit from di past governor Rauf Aregbesola administration for 2018..
Hin con tok say, as hin dey step down today as a former governor of di state, hin know say di pipol of osun state know say di state don dey more stable for economical mattar dan 2018 wen hin enter as governor and under hin administration hin see say Osun na di most peaceful State for di countri.
To read di full tori CLICKHERE
