fbpx
May 29, 2024

Iya Oniyan of APC lagos state, don kpai

0

Di All Progressives Congress (APC) for Lagos State don lost another influential member of di party, Chief Juliana Awodogan, popularly known as Iya Oniyan.

Iya oniyan na one of di women leader for APC wen dey mobilize group of pipol from grassroot across di state for politics matter and na she dey supply pounded yam wen APC pipol dey chop for dia political rallies.

U FIT ALSO READ I no happy at all, na just 2 years remain before I die – Yahoo boy

She don alreadi dey her 70s, mama die on Tuesday for Lagos University Teaching Hospital (LUTH).

According to tori we bin hear say Mrs. Awodogan don dey admitted bifore bifore sake of say her bodi no well.
Iya Oniyan wen bi “pounded yam merchant” na she dey supply di State House and offices during di Bola Tinubu administration.

Her pikin, Niyi Awodogan announce di death of dia mama for Mushin.

Niyi self na di Supervisory Councillor of Ojuwoye Local Council Development Area (LCDA).

Iya Oniyan kpai di same day wen one member of di Lagos State House of Assembly, Abdulsobur Olayiwola Olawale change address go heaven.

Olawale wen many pipol know as Omititi, dey represent di Mushin II state constituency.

According to tori we hear say olawale mistakenly fall down for Rawang Pam Township Stadium for Jos during di flag off of Tinubu’s presidential campaign bifore everybody go open eye hin don join hin ancestors.

To read di full tori CLICKHERE

Leave a Reply

Your email address will not be published. Required fields are marked *