Kano man confess say hin strangle hin girlfriend to death as she no gree abort pregnancy.
A 20-year-old man, Philibus Ibrahim, wey strangle hin pregnant girlfriend, Theresa Yakubu to death, don confess to the crime.
After hin arrest, Philibus Ibrahim confess say hin strangle hin pregnant girlfriend to death because she no gree abort di pregnancy.
Di spokeswoman for di command, SP Abdullahi Haruna Kiyawa tok inside statement. She reveal say di suspect plan together with hin friend identified as Gabriel Bila, 25. Dem lure Theresa enter bush kon strangle her to death for there.
According to di statement, on 28/03/2023 at about 1630hrs, dem receive report say dem see one lady wey lie down for ground by di roadside for Anadariya Village, Bebeji Local Government Area, along Kano-Jos Road, Kano State.
As dem receive di report, di Commissioner of Police, Kano State Command, CP Mamman Dauda psc(+) raise and instruct a team of detectives. Also, di team dey led by SP Tanimu Wada, Divisional Police Officer (DPO), Bebeji Division as dem proceed to di scene.
FOR MORE NEWS: Excitement as Davido don break Apple Music record with album, “Timeless”
Di team immediately rush go di scene and move di body go Tiga General Hospital where one medical Doctor confirm say she don kpai.
In addition, preliminary investigation reveal say di identity of di deceased na Theresa Yakubu, ‘f’. Di girl na 20 years old with two-month-old pregnancy, from Anadariya Village, Bebeji LGA.
Also, her boyfriend, one Philibus Ibrahim, ‘m’ 20 years old of Unguwar Korau Quarters, Tudun Wada LGA. And hin friend, one Gabriel Bila, ‘m’, 25 years old, of di same address.
On investigation, Philibus confess say hin impregnate di girlfriend two months ago, and all efforts to abort di pregnancy prove abortive.
In addition, hin yarn say na di matter make am conspired with hin friend. And two of dem carry di girl go bush. Hin explain say di friend hold her hands and Philibus use her head tie and strangle her to death
