Ramadan: Dino Melaye dey pray for atonement for INEC, APC
Senator Dino Melaye, one of di spokespersons for Atiku Abubakar, di presidential candidate of di Peoples Democratic Party, PDP, don send prayer request to God make hin use di month of Ramadan right di wrongs of di Independent National Electoral Commission, INEC, and di All Progressives Congress, APC.
Melaye Ramadan prayer dey inside post via hin Twitter handle on Thursday.
Remember say di Muslim faithful enter di month of Ramadan on Wednesday, a holy month according to Islamic teaching.
FOR MORE NEWS: Naira crisis: CBN don release old notes to commercial banks
According to report, Melaye principal, Atiku bin file suit for di presidential election petition tribunal. Hin challenge di declaration of Bola Tinubu of di APC by INEC as di president-elect.
Atiku dey ask di court make dem nullify di declaration of Tinubu as di winner of di February 25 presidential election, wey hin believe say e dey rig against am.
Meanwhile, Melaye dey using di Ramadan month to ask God for di atonement of di sins of the APC and di electoral commission.
“Happy Ramadan. Oh God!! use this holy period to right the wrongs of INEC and APC, we pray thee oh Lord. Amen.” Na wetin hin write be dat.
You fit go read di tori…READ MORE
