MoneyMaster PSB don deepen financial services with “G-kala”
MoneyMaster PSB, a payment services bank don unveil ‘G-Kala’ to deepen di financial services accessibility and inclusion for di country.
During di product launch for Lagos, MoneyMaster PSB Managing Director, Demola Elutilo, reveal say dem bring ’G-kala’ to address di major problem of deepening financial inclusion for di country and also create employment opportunities for Nigerians.
Also, di event bin get in attendance industry stakeholders, regulators, market and trade associations, student union representatives, trade partners, and members of di press among others, and dem mark di formal launch of di Payment Service Bank (PSB).
Elutilo give assurance say di ‘G-kala’ go “bring a huge number of di unbanked populace into di financial system of di country”. According to am, di operations of MoneyMaster PSB go empower plenty Nigerians financially and bring, most especially, pipofor di rural areas into di banking system.
Di Nigeria Interbank Settlement Scheme (NIBSS) celebrate MoneyMaster PSB as dem introduce G-kala into di Nigerian financial industry to serve di critical mass of people wey no get di opportunity to enjoy banking services.
General Manager, Business Development, NIBSS, Samuel Oluyemi, reveal say NIBSS don work with MoneyMaster PSB from di beginning. Also, di purpose na to ensure seamless integration with di countrywide banking system.
Now MoneyMaster PSB don deepen dia financial services with “G-kala”
