Di National Executive Committee of di New Nigeria Peoples Party (NNPP) don expel Sen. Rabiu Kwankwaso, following hin allege refusal to appear before di party Disciplinary Committee.
Also, di News Agency of Nigeria (NAN) remember say Kwankwaso, di 2023 Presidential Candidate of NNPP, bin dey suspended before by di party leadership for di National Convention on August 29 for Lagos.
Di National Executive Council (NEC) of di NNPP bin set up Disciplinary Committee and dem give order to invite Kwankwaso to defend allegations of gross anti-party activities and mismanagement of party/campaign funds within five days.
Also, di NEC bin give warning say if hin no appear before di Disciplinary Committee, dem go expel Kwankwaso from di party in line with di provisions of di party constitution 2022 (as amended).
Mr Abdulsalam Abdulrasaq, di Acting National Publicity Secretary of NNPP, inside statement on Tuesday for Lagos, tok say NEC don expel Kwankwaso with immediate effect because of hin refusal to honour di committee invitations.
NAN reports say di crisis within di NNPP start when di NWC of di party loyal to Kwankwaso, announce di suspension of di NNPP founder, Dr Boniface Aniebonam and di National Publicity Secretary, Dr Agbo Major on August 24.
You fit go read di tori…READ MORE