BREAKING: Police arrest NLC president for Owerri
Operatives of di Nigeria Police Force, on Wednesday, don arrest di National President of di Nigeria Labour Congress, Joe Ajaero for Owerri, di Imo State capital.
Di Head of Information, NLC, Benson Upah, wey tok to The PUNCH, yarn say dem pick Ajaero for di state secretariat of di congress and dem go carry am go unknown location.
According to report;, di NLC don vow to mobilise dia members for total strike for Imo state starting Today, November 1, 2023.
Ajaero, during press briefing on Sunday, bin accused diImo State Government of “violating rights of di Nigerian workers for di state.
Also, Ajaero lament say plenty of dem kpai because of di claim of lack of payment of dia salaries.
FOR MORE NEWS: Naira Marley, Sam Larry don sue Magistrate, Police, demand N40m as compensation
On top dat one, hin outline some of di infractions against workers by Uzodimma, including di alleged refusal to implement previous agreements especially the accord wey dem reach on January 9, 2021, outstanding salary arrears of about 20 months, unjust declaration of workers as ghost workers, declaration of pensioners as ghost workers and unsettled gratuity arrears, among others.
According to am, approximately 10,000 pensioners dey wrongly labelled as ghost pensioners resulting in over 22 months of unpaid pensions while about 11,000 workers dey branded by di Imo State Government as ghost workers.
Di NLC president follow lament about non-compliance with di national minimum wage by di state government, and hin add say di Governor Uzodinma don resist di use of social dialogue and collective bargaining to resolve di issues.
You fit go read di tori see why Police arrest Joe Ajaero…READ MORE
