100 days in office: Tinubu policies don divide financial experts
For inside dis first 100 days of President Bola Ahmed Tinubu administration na praise and blame full am.
During di Inauguration on May 29, 2023, President Tinubu vow say hin go transform di economy with hin renewed hope slogan.
But, di ripple effects of hin economic policies don leave Nigerians with sweet and sour taste.
For example, di removal of fuel subsidy and Naira floating policies don lead to 24.08 per cent of July inflation figure.
On June 14, 2023, CBN bin tell banks make dem “sell forex freely for market-determined rates”. And as dat one happen, Naira jump to N915/$1 for parallel market.
FOR MORE NEWS: September 6 no be official date: Presidential Tribunal don tok on Date To give Final Judgement
As solution to Nigeria socio-economic challenges, last week, di Minister of Finance and Coordinating Minister for di Economy, Wale Edun, during di inaugural meeting of di Federal Executive Council, reveal Tinubu 8-priority agenda, including food security; to end poverty; economic growth and job creation; access to capital; improve security; improve di playing field wey pipo and particularly companies dey operate; rule of law; and fighting corruption— an economic plan with a three-year target timeline.
According to financial experts, Tinubu 8-point agenda presents some hope if di government go implement am.
You fit go read di tori see how things dey go after 100 days of Tinubu administration…READ MORE
