I apologise for calling everybody children – Desmond Elliot
Popular Nigerian actor turn politician, Desmond Elliot again don publicly apologise for hin insensitive comments about di youths during October 2020 EndSARS protest.
Remember say di Lagos lawmaker representing di Surulere I constituency for di State legislature bin enter dragging on top social media. Dis na after hin refer to Nigerian youths wey react to di shootings for di Lekki Tollgate as children. He bin push for di regulation of social media after di protest.
However, inside swift response, Elliot in October 2020 issue statement wey hin apologise to di pipo wey hin offend with hin comments.
Also, di lawmaker, during hin recent interview on TVC’s ‘Your View’, give clarity on di matter. Hin insist say no be all di youths on social media hin call children but ones wey dey curse Lagos House of Assembly Speaker, Mudashiru.
FOR MORE NEWS: Di hatred for me dey too much – Desmond Elliot don cry out
In addition, for di interview, hin tok say forgiveness is divine. Also, he add say something fit be one person truth, and to another person, e fit no be di same.
As hin dey tok, he yarn say to go back bring out those sensitive moments no go do anything.
Finally, Desmond Elliot tok say hin don apologise before but hin still dey apologise to those pipo wey for don misunderstand wetin hin tok.
You fit go read di full tori…READ MORE
