China don report nearly 13,000 Covid-related deaths for hospitals

China don report nearly 13,000 Covid-related deaths for hospitals between January 13 and 19. This one happen after one top health official yarn say di majority of di population dey infected by di virus.

One week ago, China yarn say nearly 60,000 people die with Covid for di hospitals as of January 12.

China’s Center for Disease Control and Prevention tok for inside statement on Saturday say 681 hospitalised patients die of respiratory failure wey coronavirus infection cause, and 11,977 die of other diseases combined with infection over di period.

FOR MORE NEWS: Nigerian pharmacist share sad story of colleague wey kpai because of power outage

As China don report nearly 13,000 Covid-related deaths for hospitals, di figure no include di one wey die of di virus for house.

Airfinity, one independent forecasting firm, don give estimation say di daily Covid deaths for China go rise to around 36,000 over di Lunar New Year holiday.

Di firm follow mention say dem count more than 600,000 people wey from di disease since China abandon di zero-Covid policy in December.