Pastor fake kidnap for Jos, collect N600,000
One Jos pastor don run hin church member street as the pastor fake kidnap demanding plenti money from church members for hin release. Unfortunately for him, the script no go as plan, as we dey talk so, the Jos base Pastor and hin fellow actors don enter the net of the operatives of the Plateau State Police Command for staging fake kidnap
The Pastor wey him name be Albarka Bitrus Sukunya don dey police cell for Jos. Police gbab the pastor with hin co-ploters after report reach police hear say the pastor fake kidnap with some people to collect money from Church member. Before police gbab the pastor, the church member don already pay N600,000 as ransom to secure the release of the cleric.
Police Statement (Pastor fake kidnap)
“Police Command for Jos don komot cloth on wayo life of one Pastor for Jos wey hin name be Albarka Bitrus Sukuya ‘m’ of Jenta Apata, Jos who dey always fake kidnap with some people to collect money from congregation as ransom.
“After the pastor fake kidnap between 14/11/2022 and 30/11/2022 when the church member pay Four Hundred Thousand Naira (N400,000) and Two Hundred Thousand Naira (N200,000) for hin release, na dia people begin dey suspect say the matter get as he be.
“Following police hardwork as dem dey torch light the matter, dem get some kind report wey make dem invite the Pastor come station Nassarawa Gwong Police Station, as CSP Musa Hassan and hin team begin dey look into the matter.
Other follow for kidnap
As the investigation dey on Police discovers say, the pastto do that just to collect ransom money from church members
As the finding dey go on, the suspect confess join say no be only him dey do the work, he mention names of people wey dey the gang (1) Baruk Mailale, (2) Nathaniel Bitrus both males of Yelwan Zangam village of Jos-north and (3) Aye (surname yet to be known) ‘male of Jalingo, Taraba State.
Where the matter reach now be say police don gbab two people wey join for the crime, remaining one person wey him nickname be Aye”
You go like read:
Phyna bbnaija confess why she komot two belle before age 25
