English Premier League go kick off tonight
After an 11-week break, di wait don finally dey over. Di English Premier League season go kickoff today, Friday 11th August, 2023.
With a few hours to kick off, Nigerian football lovers don ready and dem bask in di euphoria of di world’s most popular and electrifying football league event – in terms of TV audience.
Di opening fixture between Manchester City and Burnley go start around 8pm. All eyes go dey on di defending champions to see how dem go bounce back from dia Community Shield defeat to Arsenal.
Pep Guardiola treble-winning side travel go Turf Moor to face di newly-promoted side, wey City legend, Vincent Kompany dey coach.
City start di quest for a fourth title in a row and sixth in seven years. So dem go wan take di maximum points before dia main rivals kick ball.
FOR MORE NEWS: Presidential Election Tribunal: Anxiety as Nigerians await judgement day
However, Burnley get dia pride at stake and dem go give di champions a run for dia money.
On Saturday, Arsenal, wey be di runners-up last year go host Nottingham Forest at 12.30pm.
By 3pm e go be Bournemouth VS West Ham, Brighton VS Luton, Everton VS Fulham, Sheffield United VS Crystal Palace.
By 4:30pm, Liverpool, wey finish fifth last season, go face Chelsea for Stamford Bridge, where Mauricio Pochettino dey in charge now.
Manchester United, third last season, go wait until Monday night for dia opening game at home to Wolverhampton Wanderers.
As usual, this 2023/24 dey promising to be another exciting season wey go dey filled with exciting storyline matches.
English Premier League kickoff today, You fit go read di tori…READ MORE
