Kano Govt slash tertiary institutions’ fees
Di Kano State government don reduce di registration fees wey di State-owned tertiary institutions dey charge.
Also, di Commissioner for Higher Education for di State, Dr Yusuf Kofarmata tok dis one on Monday as hin dey brief journalists for di Government House, Kano.
Hin still explain say dem conclude about di decision during di meeting between di heads of tertiary institutions and di Governor of di State, Alh Abba Kabir Yusuf.
According to am, di 50 per cent reduction na in consideration of di current economic situation wey di removal of fuel subsidy cause.
FOR MORE NEWS: ‘If you must do Yahoo, target politicians’ – Rev Fr Oluoma tackle fraudsters
In addition, hin yarn say di reduction affect all Kano State indigenes wey dey study dia regular courses for 2023/2024 academic session for di Aliko Dangote University of Science and Technology, Wudil (ADUSTECH), Yusuf Maitama Sule University, (YUMSUK), Kano and Sa’adatu Rimi University of Education.
Other na Kano State Polytechnic, Aminu Kano College of Islamic and Legal Studies, Audu Bako College of Agriculture, Danbatta, Rabiu Musa Kwankwaso College of Advance and Remedial Studies, Tudun Wada, and Kano State College of Education and Remedial Studies (KACEPS).
He yarn say di decision dey in line with di State government’s commitment to educational development. Also, hin note say dem go see am for di restoration of foreign scholarships for over 1,000 students.
You fit go read di tori see why Kano State government reduce registration fees…READ MORE
