OAU Professor retire @70 – Di management of di university dey celebrate di Icon.
Di management of Obafemi Awolowo University, dey celebrate one of dia diligent scholar, Professor Abiodun Adebayo Adediran as hin dey retire from active service for di university. As OAU Professor retire @70, pipo just dey hail am because of di better work wey hin don do.
Adediran start hin academic career as Graduate Assistant for di Department of History of di University of Ife for 1976. Na for there hin gain di professorship cadre for 1993.
Di area of hin academic and research na African/Yoruba History, Western Yorubaland. Late doyen of ‘Ife School of History; Professor Isaac Adeagbo Akinjogbin na hin train am for Ife.
Before OAU Professor retire @70, hin serve di Obafemi Awolowo University and di Nigeria University system.
FOR MORE NEWS: Public universities must charge better school fees because of government magu magu — Ex LASU VC
For Obafemi Awolowo University, Ile-Ife, hin hold di position of head od different department and faculty. Dean of Faculty of Art, Deputy Vice-Chancellor and Director of di University Linkages and sponsored research office.
Outside Obafemi Awolowo University, Adediran be visiting professor for di University of Ibadan, University of Ilorin , Ekiti State University, Ado-Ekiti; University of Wisconsin-Parkside, USA and di University of Bayreuth, Germany.
Adediran follow bev member of di Historical Society of Nigeria, Archaeological Association of West Africa, American Studies Association of Nigeria, Historical and Environmental Interest Group of Nigeria.
Di Vice-Chancellor of di university, Professor Adebayo Bamire wey bin follow dey for di valedictory ceremony, describe di professor as a dedicated academician.
You fit go read di full tori…READ MORE
